REGULYATOR: MILLIY MALAKA TIZIMINI RIVOJLANTIRISH INSTITUTI
O‘zbekiston Respublikasi Prezidentining 2024-yil 30-sentyabr “O‘zbekiston Respublikasi milliy malaka tizimini yanada takomillashtirish chora-tadbirlari to‘g‘risida”gi PQ-345-sonli qarori bilan tashkil qilindi.
Qaror bilan quyidagilar joriy qilindi:
– Kasbiy malakalarni rivojlantirish bo‘yicha Respublika Kengashi tashkil qilindi;
– Milliy malaka ramkasi tasdiqlandi;
– Milliy malaka tizimini rivojlantirish instituti tashkil etildi;
– 24 ta sohaga mas’ul Kasbiy malakalarni rivojlantirish bo‘yicha tarmoq kengashlari tashkil qilindi.
Institut:
– Davlat muassasasi hisoblanadi;
– “Ta’lim sohasidagi loyihalar markazi” loyiha ofisi huzurida faoliyat yuritadi;
– Respublika kengashining ishchi organi vazifasini bajaradi;
– Tarmoq kengashlariga metodologik yordam ko‘rsatadi;
– Milliy malaka tizimini tartibga soladi;
– Milliy malaka tizimini takomillashtirib boradi.
Milliy malaka tizimini isloh qilishning asosiy yo‘nalishlari:
– milliy malaka tizimining normativ-huquqiy va uslubiy asoslarini takomillashtirish;
– Mashg‘ulotlar milliy klassifikatorini ishlab chiqish;
– yangi avlod malaka ramkalari va kasbiy standartlarni ishlab chiqish;
– kasbiy standartlar asosida mehnat munosabatlarini tartibga solish;
– oliy va professional ta’lim dasturlarini takomillashtirish;
– malakalarning xalqaro miqyosda tan olinishini ta’minlash;
– norasmiy va informal ta’limni tan olish tizimini joriy qilish.
Institutning faoliyat yo‘nalishlari quyidagilar:
– kasbiy standartlar va baholash vositalarining ishlab chiqilishi bo‘yicha umumiy nazoratni amalga oshirish;
– ta’lim dasturlarini tegishli kasbiy standartlar talablariga muvofiqligi bo‘yicha xulosalar berish;
– malakalarni baholash markazlarini akkreditatsiyadan o‘tkazish;
– Milliy malaka tizimining yagona raqamli platformasini joriy etish;
– tarmoq kengashlari a’zolari va malakalarni baholash markazlari xodimlarining malakasini oshirish.
Kutilayotgan natijalar:
– Tarmoq malaka ramkalari doimiy ravishda yangilab boriladi;
– 1800 ta yangi avlod kasbiy standartlari ishlab chiqiladi;
– kasbiy standartlar asosida natijaga yo‘naltirilgan ta’lim dasturlari joriy qilinadi;
– noformal va informal ta’limni tan olish tizimi yo‘lga qo‘yiladi;
– malakalarni xalqaro tan olish imkoniyati yaratiladi.
Institutning 2025-2026-yillar uchun asosiy maqsadli ko‘rsatkichlari:
– 450 ta kasbiy standartlarni ekspertizadan o‘tkazish;
– 54 ta malakani baholash markazlarini akkreditatsiyadan o‘tkazish;
– 108 ta Malakalarni baholash vositalarini ekspertizadan o‘tkazish;
– 60 ta Tarmoq malakalar ramkalarini ekspertizadan o‘tkazish;
– 140 ta Tarmoq kengashlari a’zolari malakasi oshiriladi.
