Markaziy apparat

– Tarmoq malakalar ramkasi va kasbiy standartlarining ishlab chiqilishi boʻyicha umumiy nazoratni amalga oshirish, ularni ekspertizadan oʻtkazish hamda joriy etish boʻyicha faoliyatni muvofiqlashtirish.
– Kasbiy, oliy va oliy taʼlimdan keyingi taʼlim, kasbga oʻqitish, qayta tayyorlash, malaka oshirish boʻyicha taʼlim dasturlarini tegishli kasbiy standartlar yoki malaka talablariga muvofiqligi boʻyicha ekspertizadan oʻtkazish, shuningdek, xulosalar tayyorlash.
– Milliy malaka tizimiga oid tarmoq malakalar ramkasi va kasbiy standartlar boʻyicha normativ hujjatlar fondini shakllantirish, yuritish hamda takomillashtirish.
– Tarmoq kengashlari faoliyatini tashkiliy-uslubiy, ekspert va tahliliy jihatdan taʼminlashni tashkil etish.
– Kasbiy standartlar reestrini shakllantirish va yuritishni taʼminlash.

– Malakani mustaqil baholashga oid tartib-qoidalarni ishlab chiqishda Tarmoq kengashlari bilan hamkorlik qilish.
– Malakani baholash markazlarini akkreditatsiyadan oʻtkazish, faoliyatini monitoring qilish, ularning reestrini yuritish.
– Akkreditatsiyadan oʻtgan malakani baholash markazlari faoliyatini davriy (bevosita va bilvosita) tekshiruvlar asosida monitoring qilib borish.
– Malakani mustaqil baholashga oid kasbiy faoliyat turlari boʻyicha ishlab chiqilgan baholash vositalarini ekspertizadan oʻtkazishda umumiy nazoratni amalga oshirishga koʻmaklashish.
– Tasdiqlangan malakaga ega shaxslar milliy reestrini joriy etishda ishtirok etish.
– Malakani mustaqil baholashga doir maʼlumotlarni Milliy malaka tizimining yagona raqamli platformasiga kiritib borilishini nazorat qilish.
– Malakani baholash markazlari faoliyatini tashkiliy-uslubiy, ekspert va tahliliy jihatdan taʼminlashga yordam berish.

– Mahalliy va xalqaro ilmiy grantlarda, milliy malaka tizimini rivojlantirishga bagʻishlangan milliy va xalqaro konferensiyalar, seminarlar, davra suhbatlarida ishtirok etish, shuningdek, sohaga oid davlatlararo kelishuvlar, xalqaro loyiha va dasturlarni ishlab chiqishda ishtirok etish;
– Yuqori darajada xalqaro ekspertlar, xalqaro tashkilotlar, nodavlat tashkilotlar va ishbilarmon doiralarning Oʻzbekiston Respublikasiga tashrif buyurishi va institut xodimlarini chet elga xizmat safarlarini tashkil etish;
– Institut tizimi xodimlarining salohiyatini oshirishga qaratilgan seminar-treninglar, oʻquv kurslari, axborot va tajriba almashishni tashkil etish hamda shu bilan birga xorijiy davlat va nodavlat tashkilotlar, xalqaro institutlar va xorijiy tashkilotlar bilan hamkorlikda ularning samarali amalga oshirilishini taʼminlash.

– Milliy malaka tizimini rivojlantirishga masʼul mutaxassislarning malakasini oshirish tizimini tahlil qilish, ularning talab va taklifiga mos boʻlgan tabaqalashtirilgan dasturlarini joriy qilish.

– Tarmoq kengashlarining kasbiy malakalarni rivojlantirish bo‘yicha mas’ul mutaxassislari, tarmoq malakalar ramkalari, kasbiy standartlar va baholash vositalarini ekspertizadan o‘tkazish jarayonida ishtirok etuvchi ekspertlar, malakani baholash markazlarida baholash jarayonlarida qatnashuvchi ekspertlar, shuningdek malakani baholash markazlarini akkreditatsiyadan o‘tkazishda ishtirok etuvchi mutaxassislar, malakani baholash markazi direktori lavozimiga nomzodlar hamda ushbu markazlar xodimlari uchun malakani oshirish kurslarini tashkil etish.

– Milliy malaka tizimining yagona raqamli platformasini dasturiy va texnik jihatdan tartibga solish hamda rivojlantirilishini taʼminlashda ishtirok etish.
– Raqamlashtirish va jamoatchilik bilan ishlash boʻyicha chora-tadbirlarni belgilash va amalga oshirish.
– Raqamlashtirish jarayonlarini muvofiqlashtirish, axborot tizimlari va raqamli xizmatlarni joriy etish jarayonlarini monitoringini olib borish.
– Elektron maʼlumotlar maxfiyligini himoya qilish boʻyicha texnik va tashkiliy chora-tadbirlarni ishlab chiqish.
– Milliy malaka tizimining yagona raqamli platformasida koʻrsatilayotgan xizmatlardan foydalanish imkoniyatlarini kengaytirishda berilgan topshiriqlar ijrosini taʼminlash.

– Institutning huquqni qoʻllash faoliyatida qonun ustuvorligi va qonuniylikni taʼminlashni tashkil etish;
– Institut tomonidan ishlab chiqilayotgan (qabul qilinayotgan) normativ-huquqiy va boshqa hujjatlar loyihalarining qonunchilikka muvofiqligi ustidan nazoratni olib borish, shuningdek davlat organi va tashkilotining qonun ijodkorligi faoliyatida ishtirok etish, qonunchilikni takomillashtirish yuzasidan takliflarni tayyorlash masalalarida uning tuzilmalari ishini muvofiqlashtirish;
– Institut xodimlarining huquqiy madaniyati va huquqiy savodxonligini oshirish, ularga qabul qilinayotgan normativ-huquqiy hujjatlarning mazmun va ahamiyatini, shu jumladan zamonaviy axborot-kommunikatsiya texnologiyalari orqali yetkazish;
– Shartnomaviy-huquqiy va talabnoma-daʼvo ishlarini yuritish, Institutning mulkiy va boshqa manfaatlarini ishonchli himoya qilinishini taʼminlash.

– Mazkur lavozim yo‘riqnomasida keltirilgan vazifalari va funksiyalarini o‘rnatilgan tartibda o‘z vaqtida hamda sifatli bajarish;
– Axborot maydoni monitoringini olib borish va tahlil qilish, ularga munosabat bildirishning turlari, usullari hamda darajasi bo‘yicha ish olib borish, OAV, shu jumladan, internet tarmog‘ida materiallar tarqatish bo‘yicha kompleks ishlarni tashkil etish;
– Milliy malaka tizimini rivojlantirish instituti tomonidan tashkil etilgan tadbirlar, uchrashuvlar, seminarlar, davra suhbatlarida ishtirok etishi hamda yoritish;
– Milliy malaka tizimini rivojlantirish institutining faoliyatiga aloqador foto, audio va videomateriallar ma’lumotlar banki shakllantirilishi hamda yuritilishini ta’minlash.

– Buxgalteriya hisobi va nazorat ishlari toʻgʻri tashkil etilishini taʼminlash yuzasidan tegishli chora-tadbirlar koʻrishni rahbariyatdan talab qilish;
– Tarkibiy boʻlinmalarda pul mablagʻlari, tovar-moddiy va boshqa qimmatliklarni qabul qilish, saqlash hamda sarflash yuzasidan belgilangan tartibga amal qilinishini monitoring qilib borish;
– Sohaga oid masalalar boʻyicha davlat boshqaruvi organlari, bank muassasalari va boshqa idoralarning tegishli boʻlinmalari bilan hamkorlik oʻrnatish.

– Kadrlar salohiyatini doimiy rivojlantirish va maksimal toʻliq ishtirok etishini taʼminlash asosida Institut oldida turgan vazifalarga erishishda har bir xodimning shaxsiy hissasini oshirishda koʻmaklashish.
– Xodimlarda yuksak kasbiy odob-axloqni, korrupsiyaga qarshi turish madaniyatini va munosabatini shakllantirish boʻyicha taʼsirchan choralarni koʻrish boʻyicha takliflar kiritish.
– Muntazam asosda kadrlarni tayyorlash, qayta tayyorlash va ularning malakasini oshirish boʻyicha oʻqitish tizimini doimo takomillashtirib borish.