Dunyo hamjamiyatida O‘zbekistonning yuqori natijalarga ega bo‘lishida hamkorliklar uchrashuvlari asosiy poydevor vazifasini o‘tashi, ayni haqiqat.

Jumladan, 2024-yilning 24-dekabr kuni Milliy malaka tizimini rivojlantirish institutida «Ernst and Young» xalqaro konsalting kompaniyasining vakili Yelena Zigangirova hamda “Ta’lim sohasidagi loyihalar markazi” loyiha ofisi direktor o‘rinbosari Anvar Allabergenov, Milliy malaka tizimini rivojlantirish instituti direktori vazifasini vaqtincha bajaruvchisi Obid Sarmanov ishtirokida bo‘lib o‘tgan uchrashuvda ham aynan xalqaro standartlar asosida institutga yuklatilgan vazifalarni bajarish jarayonlari haqida fikr-mulohazalar yuritildi.

Bu borada Qozog‘iston Respublikasi milliy malaka tizimini tashkil etish hamda amaliyotga joriy etishdagi tajribalariga tayanish mumkinligi, shuningdek, kelgusida bu tashkilot tomonidan har qanday yo‘nalish bo‘yicha Institut uchun tajribali ekspertlar tavsiyasi va yordami taklif etildi.