Milliy malaka tizimini rivojlantirish institutida YUNESKOning Oʻzbekistondagi vakolatxonasi hamkorligida “Kasbiy malakalar reyestrini ishlab chiqish va boshqarishda Yevropa tajribasi” mavzusida xalqaro seminar-trening tashkil etildi.

Mazkur tadbirda tarmoq kengashlari kotiblari, ishchi guruh aʼzolari hamda xalqaro ekspertlar oflayn va onlayn formatda ishtirok etishdi.

 Seminar-trening davomida:

- kasbiy malakalar reyestrini shakllantirishning ilmiy-metodologik asoslari;
- Yevropa davlatlarida malakalar tizimini boshqarishning samarali mexanizmlari;
- reyestrni raqamlashtirish va maʼlumotlar integratsiyasi;
- taʼlim tizimi va mehnat bozori oʻrtasida samarali uygʻunlikni taʼminlash masalalari muhokama qilindi.

Tadbir ochiq muloqot, savol-javoblar va amaliy muhokamalar ruhida oʻtdi. Ushbu tadbir ishtirokchilar uchun oʻzaro tajriba almashish va ilgʻor yondashuvlarni oʻrganish imkonini yaratdi.

Seminar-trening milliy malaka tizimini xalqaro standartlar asosida rivojlantirish, malakalarni tizimli shakllantirish va ularni samarali boshqarish mexanizmlarini takomillashtirishda muhim ahamiyat kasb etadi.

Milliy malaka tizimini rivojlantirish instituti Axborot xizmati