“Ta’lim sohasidagi loyihalar markazi” loyiha ofisi hamda Helvetas Swiss Intercooperation hamkorligida xalqaro ekspert Bastian Bauman ishtirokida «Milliy malaka tizimini rivojlantirish hamda ta’lim sifatini ta’minlash» mavzusida seminar-trening tashkil etildi.

Unda Loyiha ofisi hamda Milliy malaka tizimini rivojlantirish institutining mas’ul xodimlari ishtirok etishdi. Seminar-trening davomida xalqaro ekspert janob Bauman tomonidan milliy malaka va ta’lim sifatiga oid xalqaro tajriba xususida ma’lumotlar berildi. Shuningdek, interaktiv shaklda o‘tgan tadbirda xalqaro ekspert va ishtirokchilar o‘rtasida qizg‘in savol-javoblar bo‘lib o‘tdi.

Tadbir so‘ngida, xalqaro ekspert janob Bauman tomonidan milliy malaka tizimini rivojlantirish hamda ta’lim sifatini ta’minlashdagi xalqaro tendensiyalarni milliy sharoitlarga moslashtirish yuzasidan tavsiyalar berildi.